ಸಾಲಿಗ್ರಾಮದಲ್ಲಿ ದೀಪೋತ್ಸವ
ಸಾಲಿಗ್ರಾಮ ಶ್ರೀಗುರುನರಸಿಂಹ ದೇವಳದಲ್ಲಿ ಇದೇ ನವೆಂಬರ್ 26ರಂದು ವಾರ್ಷಿಕ ದೀಪೋತ್ಸವವು ಯಶಸ್ವಿಯಾಗಿ ಜರುಗಿತು. ಆ ಪ್ರಯುಕ್ತ ಹಿರೇರಂಗಪೂಜೆ, ದೀಪೋತ್ಸವ, ಉತ್ಸವಬಲಿ, ಪುಷ್ಫರಥೋತ್ಸವ, ತೆಪ್ಪೋತ್ಸವ ಕಾರ್ಯಕ್ರಮಗಳು ಶ್ರೀದೇವಳದ ತಂತ್ರಿಗಳಾದ ವೇ.ಮೂ. ಕೃಷ್ಣ ಸೋಮಯಾಜಿ, ಅರ್ಚಕರಾದ ವೇ.ಮೂ. ಜನಾರ್ದನ ಅಡಿಗರು ಪೌರಹಿತ್ಯದಲ್ಲಿ ಯಶಸ್ವಿಯಾಗಿ ಸಂಪನ್ನಗೊಂಡಿತು ಈ ಪ್ರಯುಕ್ತ ಸಂಜೆ 5-30ರಿಂದ ಪಾರಂಪಳ್ಳಿಯ ಶ್ರೀಗುರುಮಾರುತಿ ಹೌಂದೇರಾಯನ ಜನಪದತ ನೃತ್ಯ ತಂಡದವರಿಂದ ತುಳಸಿಪೂಜೆ ಕುಣಿತ ಕೋಟ ಯಕ್ಷಸುಮನಸ ವ್ಯವಸಾಯಿ ಕಲಾರಂಗ ಇವರಿಂದ ವೀರಮಣಿ ಕಾಳಗ ಯಕ್ಷಗಾನ ಪ್ರದರ್ಶನ ಭಕ್ತಾದಿಗಳ ಮೆಚ್ಚುಗೆಗೆ ಪಾತ್ರವಾಯಿತು.
ಈ ಶುಭಸಂಧರ್ಭದಲ್ಲಿ ಶ್ರೀದೇವರ ಬೆಳ್ಳಿ ಕವಚದ ಮುಖಕ್ಕೆ ಚಿನ್ನದ ಲೇಪಿಸಿ ಶ್ರೀದೇವರಿಗೆ ಸಮರ್ಪಿಸಲಾಯಿತು
ಆಡಳಿತ ಮಂಡಳಿಯ ಅಧ್ಯಕ್ಷರಾದ ಶ್ರೀ ಕೆ. ಅನಂತಪದ್ಮನಾಭ ಐತಾಳ, ಕೋಶಾಧಿಕಾರಿ ಶ್ರೀ ಪ್ರಸನ್ನ ತುಂಗ ಮತ್ತು ಧರ್ಮದರ್ಶಿ ಗಳಾದ ವೇ.ಮೂ. ಚಂದ್ರಶೇಖರ ಉಪಾಧ್ಯರು ಉಪಸ್ಥಿತರಿದ್ದು ಎಲ್ಲಾ ಕಾರ್ಯಕ್ರಮಗಳನ್ನು ಯಶಸ್ವಿಯಾಗುವಂತೆ ಸಹಕರಿಸಿದರು
