ಬ್ರಾಹ್ಮಣ ಮಹಾಸಭಾ ಸಾಲಿಗ್ರಾಮ ವಲಯ (ರಿ) ಇವರ ವತಿಯಿಂದ ವಡ್ಡರ್ಸೆ ಬನ್ನಾಡಿ ಸೇರಿ ಕೋಟದ ಹದಿನಾಲ್ಕು ಗ್ರಾಮದಲ್ಲಿರುವ ದೇವಸ್ಥಾನಗಳಲ್ಲಿ ಕಾರ್ತಿಕ ಮಾಸ ಪರ್ಯಂತ ಭಜನೆಯ ಮಾಡುವ ಸಂಕಲ್ಪ ಹೊಂದಿದ್ದು ದಿನಾಂಕ 12-11-2015 ರಂದು ಶ್ರೀಗುರುನರಸಿಂಹ ದೇವಳದಲ್ಲಿ ಪ್ರಥಮ ಬಾರಿಗೆ ಸೇವೆ ಮಾಡುವುದರ ಮೂಲಕ ಭಜನಾ ಮಾಸವನ್ನು ಪ್ರಾರಂಭಿಸಲಾಯಿತು. ಶ್ರೀದೇವಳದ ಅಧ್ಯಕ್ಷರಾದ ಶ್ರೀ ಕೆ.ಅನಂತಪದ್ಮನಾಭ ಐತಾಳರು ದೀಪ ಬೆಳಗಿಸುವುದರ ಮೂಲಕ ಭಜನಾ ಮಾಸವನ್ನು ಉದ್ಘಾಟಿಸಿದರು. ಈ ಸಂಧರ್ಭದಲ್ಲಿ ಬ್ರಾಹ್ಮಣ ಮಹಾ ಸಭಾ ಸಾಲಿಗ್ರಾಮ ವಲಯದ ಅಧ್ಯಕ್ಷರಾದ ವೇ.ಮೂ.ಕ್ರಷ್ಣಮೂರ್ತಿ ಐತಾಳರು, ಕಾರ್ಯದರ್ಶಿ ಶ್ರೀ ಪಟ್ಟಾಭಿರಾಮ ಸೋಮಯಾಜಿ, ಸದಸ್ಯರಾದ ಶ್ರೀ ಶಿವರಾಮ ಉಡುಪ ಮುಂತಾದವರು ಉಪಸ್ಥಿತರಿದ್ದರು.
ಪ್ರತಿ ವರ್ಷ ಕಾರ್ತಿಕ ಮಾಸಪರ್ಯಂತ ನಡೆಸುವ ಈ ಭಜನಾವಳಿಯಲ್ಲಿ ಒಟ್ಟು ಹತ್ತು ತಂಡಗಳು ಭಾಗವಹಿಸುತ್ತಿದ್ದು ಇಂದು ವಿಶ್ವಸ್ಥ ಶ್ರೀರಾಮ ಭಜನಾ ಮಂಡಳಿ ಹಂಗಾರಕಟ್ಟೆ ಇವರಿಂದ ಭಜನೆ ಸೇವೆ ನಡೆಯಿತು. ಆಡಳಿತ ಮಂಡಳಿಯ ಅಧ್ಯಕ್ಷರಾದ ಶ್ರೀ ಕೆ. ಅನಂತಪದ್ಮನಾಭ ಐತಾಳರು ಎಲ್ಲರಿಗೂ ಶ್ರೀ ದೇವರ ಪ್ರಸಾದ ನೀಡಿ ಗೌರವಿಸಿ ಶುಭ ಹಾರೈಸಿದರು.
