ಸಾಲಿಗ್ರಾಮ ಶ್ರೀಗುರುನರಸಿಂಹ ದೇವಳದಲ್ಲಿ ಪ್ರತಿ ನಿತ್ಯ ಬೆಳಗ್ಗೆ ವೇದಘೋಷ

ಜುಲೈ 30 ರಿಂದ ಪ್ರತಿ ದಿನ ಬೆಳಗ್ಗೆ 5-00 ರಿಂದ 8-00ರವರೆಗೆ ಸಮಾನ ಮನಸ್ಕ ಋತ್ವಿಜರಿಂದ ಸೇವಾರೂಪದಲ್ಲಿ

ಋಕ್ಸಂಹಿತಾ ಪಾರಾಯಣಯವು ಮತ್ತು ವಿಪ್ರರಿಂದ ಮಹಾಭಿಷೇಕವು ಪ್ರಾರಂಭವಾಗಿದ್ದು ಅಗಸ್ಟ್ 6ರ ತನಕ ನಡೆಯಲಿದೆ ಪ್ರತಿ

ದಿನ 8-00ಕ್ಕೆ ಮಹಾಪೂಜೆ ನಡೆಯುತ್ತಿದ್ದು ನಂತರ ವಿಪ್ರ ಮಹಿಳೆಯರಿಂದ ಸೇವಾರೂಪದಲ್ಲಿ ವಿಷ್ಣು ಸಹಸ್ರನಾಮ ಪಠಣವು

ನಡೆಯುತ್ತಿದೆ. ಅಗಸ್ಟ್ 5ರ 2ನೇ ಶ್ರಾವಣ ಶನಿವಾರದಂದು ಶ್ರೀದೇವರಿಗೆ ಮಹಾಪಂಚಾಮ್ರತಾಭೀಷೇಕವು ಬೆಳಗ್ಗೆ ಗಂಟೆ 6-00

ರಿಂದ ನಡೆಯಲಿದ್ದು ಭಕ್ತಾದಿಗಳು ಮನೆಯ ದನದ ಹಾಲು, ಮನೆಯಲ್ಲಿ ಸಂಸ್ಕರಿಸಿದ ತುಪ್ಪ, ಜೇನು ಮತ್ತು ಕೆತ್ತಿದ ಸೀಯಾಳವನ್ನು

ಬೆಳಗ್ಗೆ 6-00 ಗಂಟೆಯೊಳಗೆ ತಂದುಕೊಟ್ಟು ಶ್ರೀದೇವರ ಸೇವೆಯಲ್ಲಿ ಪಾಲ್ಗೊಳ್ಳಬಹುದಾಗಿದೆ.

ಇದೇ ಅಗಸ್ಟ್ 7ರಂದು ಶ್ರೀಆಂಜನೇಯ ದೇವಳದಲ್ಲಿ ಬೆಳಗ್ಗೆ 6-00ರಿಂದ ಸಮಾನಮನಸ್ಕ ಋತ್ವಿಜರಿಂದ ಪವಮಾನ ಪಾರಾಯಣ

ಮತ್ತು ಮಹಾಭಿಷೇಕವು ಜರಗಲಿದೆ